Yuxarı

İlk dəfə olaraq 5 misirli tələbə "ADA" Universitetində təhsil alacaq

Bu yaxınlarda ADA Universiteti ilə Misirin bir neçə universiteti arasında müqavilə bağlanacaq

Bakı. 2 iyul. REPORT.AZ/ Misirin Qahirə universitetinin mühəndislik fakültəsinin kimya mühəndisliyi kafedrasında təhsil alan və AMEA Neft-Kimya İnstitutuna təcrübəyə gələn tələbələr "ADA" Universitetində olublar. Misir Mədəniyyət Mərkəzindən "Report"a verilən məlumata görə, universitetin Beynəlxalq Əlaqələr şöbəsinin müdiri Rəhman Şahhüseynli tələbələrə "ADA" Universitetinin yaranma tarixindən, fəaliyyətindən söhbət açaraq tələbələri universitetin zəngin və müasir tələblərə cavab verən kitabxanası və universitet ilə tanış edib.

Universitetin prorektoru Fariz İsmayılzadə tələbələrlə görüş zamanı yaxın vaxtlarda "ADA" Universiteti ilə Misirin bir neçə universiteti arasında bağlanacaq müqavilə barədə və ilk dəfə olaraq 2015-2016-cı tədris ilində 5 misirli tələbənin "ADA" Universitetinin bakalavr və magistr pilləsində təhsil alacaqları barədə məlumat verib.

O, həmçinin "ADA" Universiteti ilə Misir səfirliyinin Mədəniyyət Mərkəzi arasında əməkdaşlığı yüksək qiymətləndirdiyini vurğulayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi