Yuxarı

Gənclər üçün Təhsil Mərkəzi "QHT Məktəbi"nə qəbul elan edib

Nəzəri və praktiki hissələrdən ibarət olan qış təlimləri 2 ay davam edəcək

Bakı. 6 noyabr. REPORT.AZ/ Gənclər üçün Təhsil Mərkəzi və Azərbaycan Turizm və Menecment Universiteti arasında əməkdaşlıq çərçivəsində “QHT Məktəbi” növbəti qış proqramına qəbul elan edib.

Bu barədə "Report"a mərkəzdən məlumat verilib.

Bu günədək 1365-ə yaxın məzunu olan məktəbdə iştirakçılara əsasən QHT fəlsəfəsi, QHT-lərin yaradılması, idarə edilməsi və strukturunun inkişafı, üzvlərin cəlb olunması yolları, QHT-lərdə ictimaiyyətlə əlaqələrin qurulması (PR), beynəlxalq əməkdaşlığın inkişaf etdirilməsi, layihə təkliflərinin hazırlanması, maliyyə axtarışı, layihələrin proqram və maliyyə idarəetməsi, monitorinq və qiymətləndirmə, QHT-lərdə kargüzarlıq işinin təşkili və s. mövzular tədris olunur.

Nəzəri və praktiki hissələrdən ibarət olan qış təlimləri 2 ay davam edəcək.

İştirakçıların əldə etdikləri biliklər xüsusi qaydalara uyğun qiymətləndirildikdən sonra təlim proqramını başa vuran iştirakçılara Azərbaycan Turizm və Menecment Universiteti və Gənclər üçün Təhsil Mərkəzinin diplomları təqdim ediləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi