Yuxarı
    Bağlamaq

    Gənclər təşkilatı Ukraynadakı beynəlxalq tədbirdə təmsil olunub

    Beynəlxalq tədbirdə Azərbaycanı Gənclər üçün Təhsil Mərkəzinin nümayəndəsi təmsil edib

    Bakı. 27 iyul. REPORT.AZ/ Ukraynanın Lvov şəhərində gənclərlə iş sahəsində çalışan liderlər üçün beynəlxalq təlim kursu keçirilib.

    Beynəlxalq tədbirdə Azərbaycanı Gənclər üçün Təhsil Mərkəzinin nümayəndəsi Elnur Axundov təmsil edib.

    Mərkəzdən “Report”a verilən məlumata görə, təlimdə Azərbaycanla yanaşı Macarıstan, Almaniya, Moldova, Ukrayna, Polşa, Belarusiya, Gürcüstan və digər ölkələrin gənc liderləri iştirak ediblər.

    Təlimdə iştirakçı ölkələrdə gənclərlə iş, dövlətin gənclərə dəstəyi, gənclər təşkilatlarının fəaliyyəti və başqa sahələr üzrə məruzələr dinlənilmiş, fikir mübadilələri aparılıb.

    Tədbir müddətində iştirakçılar üçün Azərbaycan mədəniyyət gecəsi keçirilib. Gecədə Mərkəzin üzvü Azərbaycanın tarixi, mədəniyyəti, incəsənəti haqqında iştirakçı dövlətlərin təmsilçilərinə məlumatlar verib, Azərbaycan haqqında hazırlanmış video çarxı, mədəni irs toplusu əhatə edilən slaydları, milli mətbəxin yeməklərini nümayiş etdirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi