Yuxarı

Məleykə Abbaszadə: “Gələn ildən magistratura səviyyəsinə keçirilən imtahanın nəticələri iki il istifadə olunacaq”

Məleykə Abbaszadə: “Gələn ildən magistratura səviyyəsinə keçirilən imtahanın nəticələri iki il istifadə olunacaq”
“İmtahan nəticələrinin iki il istifadə olunduğu təqdirdə qiymətlər abituriyentlərə elə də yüksək görünməyəcək”
© Report.az

Bakı. 7 mart. REPORT.AZ/ "Gələn ildən magistratura səviyyəsinə keçirilən imtahanın nəticələri iki il istifadə olunacaq".

"Report" xəbər verir ki, bunu jurnalistlərə açıqlamasında Dövlət İmtahan Mərkəzinin Direktorlar Şurasının sədri Məleykə Abbaszadə deyib.

O bildirib ki, hazırda rus bölməsinin abituriyentlərinin verdiyi Azərbaycan dili imtahan nəticəsi iki il istifadə olunur: "Bu ilki və gələn ilki qəbul imtahanları hələ ki, bir qaydada davam edəcək. Amma iki ildən sonra ölkədə kurikulumla tədris alan uşaqlar 11-ci sinifə gələcəyi üçün, çalışacağıq ki, iki ilə yeni modelləri işləyəcəyik. Yeni modellərə əsasən bir imtahanın nəticəsi iki il istifadə olunacaq. Gələn il isə artıq bunu magistratura səviyyəsində tətbiq edəcəyik. Artıq yeni qərarlar qəbul olunduğu üçün, biz hər bir imtahanın nəticəsinin iki il istifadə olunması istiqamətində işlərə başlaya bilərik. İmtahan nəticələrinin iki il istifadə olunduğu təqdirdə qiymətlər abituriyentlərə elə də yüksək görünməyəcək".

Sədr xatırladıb ki, bu il Dövlət İmtahan Mərkəzində legitim hüququ mühitin yaradılması üçün bir sıra qərarlar qəbul olundu: "Qərarlar qəbul olunmadığı üçün, dekabr, yanvar və fevral aylarında biz fəaliyyətimizi davam etdirə bilmirdik. İndi də dövlət qulluğu ilə bağlı müəyyən qərarları gözləyirik ki, tam fəaliyyətə başlaya bilək".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi