Yuxarı

Ədliyyə orqanlarına qulluğa qəbul üzrə müsabiqə iştirakçılarının nəzərinə

Ədliyyə Nazirliyinin Müsabiqə Komissiyası məlumat yayıb

Bakı. 6 fevral. REPORT.AZ/ Ədliyyə orqanlarına qulluğa qəbulla bağlı 19.12.2015-ci il tarixdə keçirilmiş növbəti test imtahanından uğur qazanmış və qanunvericiliyə müvafiq olaraq sənədlərin yoxlanılmasının nəticələrinə əsasən müsabiqənin ikinci mərhələsinə buraxılan, əksəriyyəti gənclər olan namizədlərlə 2016-cı ilin fevral ayının 16-dan etibarən söhbət keçirilməsinə başlanılacaqdır.

Ədliyyə Nazirliyinin Müsabiqə Komissiyasından "Report"a verilən məlumatda bildirilir ki, söhbət Ədliyyə Nazirliyinin inzibati binasında (Bakı şəhəri, İnşaatçılar prospekti, 1 ünvanında) fərdi qaydada keçiriləcək və hər bir namizədə bu barədə əvvəlcədən məlumat veriləcəkdir.

Qanunvericiliyə əsasən söhbətin nəticələrinə görə uğur qazanmış hüquqşünaslar peşə fəaliyyətinə buraxılması məqsədilə Ədliyyə Akademiyasında icbari təlimə cəlb ediləcək və təlimin yekunları üzrə imtahandan müvəffəqiyyətlə keçənlərin qulluğa qəbul məsələsi həll olunacaqdır.

Eyni zamanda bildiririk ki, nazirliyin penitensiar (Bakı şəhəri, Nizami küçəsi 114, www.penitensiar.justice.gov.az, tel: 493-64-41) və tibb xidmətlərinə (Bakı şəhəri, C.Hacıbəyli küçəsi 16 və 18, tel: 493-30-91) qulluğa qəbulla bağlı müsahibədə iştirak etmək arzusunda olan şəxslərin sənədlərinin qəbulu həmin qurumlarda fəaliyyət göstərən müsabiqə komissiyaları tərəfindən davam etdirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi