Yuxarı

Dövlət qulluğu ilə bağlı sınaq imtahanları başlayıb

Dövlət qulluğu ilə bağlı sınaq imtahanları başlayıb
İmtahanların gedişini internet vasitəsilə izləmək mümkündür
© Report

Bakı. 5 oktyabr. REPORT.AZ/ Dövlət İmtahan Mərkəzində (DİM) dövlət qulluğuna qəbul olmaq istəyən şəxslərin müsabiqənin test imtahanı mərhələsinə daha da səmərəli hazırlaşmalarına kömək məqsədi ilə sınaq imtahanı keçirilir.

DİM-dən "Report"a verilən məlumata görə, imtahan saat 10:00-da başlayıb və 3 saat müddətində aparılacaq. 

Namizədlər imtahanı Mərkəzin Nəsimi rayonu, Abdulvahab Salamzadə küçəsi, 28 ünvanında yerləşən binasında xüsusi ayrılmış zallarda kompüter vasitəsilə elektron formada verirlər.

İmtahanların gedişini internet vasitəsilə izləmək mümkündür. Bunun üçün http://94.20.63.11:1991 ünvanına daxil olub istifadəçi adı yerinə operator, şifrə yerinə isə user12345 yazmaq lazımdır. 

Qeyd edək ki, brauzer kimi yalnız İnternet Explorer proqramından istifadə etməlisiniz.

Video müşahidə yalnız imtahan saatlarında mümkün olacaq (10:00-dan 13:00-dək).

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi