Yuxarı
    Bağlamaq

    Dövlət İmtahan Mərkəzi Naxçıvanda seminar keçirib

    İclasda Məleykə Abbaszadə məruzə ilə çıxış edib

    Bakı. 14 noyabr. REPORT.AZ/ Gələn ildə ümumi təhsil səviyyəsi (9 illik) üzrə buraxılış imtahanının yeni qaydalarına dair Naxçıvan şəhərində seminar keçirilib.

    Dövlət İmtahan Mərkəzindən (DİM) “Report”a verilən məlumata görə, seminar Naxçıvan Dövlət Texniki Kollecində olub.

    Müzakirədə Naxçıvan Muxtar Respublikası Təhsil Nazirliyinin, rayon (şəhər) təhsil şöbələrinin əməkdaşları, tam orta və ali məktəblərinin müvafiq fənn müəllimləri, metodistlər iştirak ediblər. 

    Seminar komissiyanın YouTube-dakı kanalı vasitəsilə canlı yayımlanıb.

    Plenar iclasda Dövlət İmtahan Mərkəzinin Direktorlar Şurasının sədri Məleykə Abbaszadə ümumi təhsil səviyyəsi (9 illik) üzrə buraxılış imtahanının yeni qaydalarına dair məruzə ilə çıxış edərək bu sahədə aparılan işlər haqqında məlumat verib.

    Daha sonra müzakirələr Azərbaycan dili və riyaziyyat fənləri üzrə davam etdirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi