Dilçilik İnstitutu dil normalarının pozulmasına görə cəzaların icrası ilə bağlı plan hazırlamağa başlayıb

Bakı. 17 dekabr. REPORT.AZ/ "Azərbaycan Milli Elmlər Akademiyasının Nəsimi adına Dilçilik İnstitutunda Azərbaycanda ədəbi dil normalarının pozulmasına görə cəzaların icrası üçün tədbirlər planı hazırlanır".

"Report" xəbər verir ki, bunu Dövlət Dil Komissiyasının üzvü, AMEA-nın Nəsimi adına Dilçilik İnstitutunun direktoru Möhsün Nağısoylu "Azərbaycanın media məkanında ədəbi dilin qrammatikasına dəstək" lahiyəsi çərçivəsində keçirilən "Azərbaycanın media məkanında ədəbi dilin qorunması: problemlər və perspektivlər" mövzusunda konfransda deyib.

Onun sözlərinə görə, bununla bağlı Dilçilik İnstitutuna bu gün məktub daxil olub.

Direktor qeyd edib ki, bir çox ölkələrdə ədəbi dil normalarının pozulmasına görə inzibati cəza tədbirlərinin tətbiq edilməsi təcrübəsi var.