DİM: MDU-nun Bakı filialına qəbul birinci imtahanda iştirak edən abituriyentlərə aiddir

Bakı. 18 mart. REPORT.AZ/ M.V.Lomonosov adına Moskva Dövlət Universitetinin (MDU) Bakı filialına qəbul olmaq istəyən abituriyentlər ancaq qəbul imtahanının ilk mərhələsində iştirak edə bilərlər.

Bu barədə Dövlət İmtahan Mərkəzindən (DİM) “Report”a bildirilib.

Məlumata görə, ali təhsil müəssisəsinin Bakı filialına qəbul Dövlət İmtahan Mərkəzi tərəfindən ali təhsil müəssisələrinin bakalavriat səviyyəsinə tələbə qəbulu ilə bağlı keçirilən birinci (yaz) imtahanın nəticələri əsasında həyata keçiriləcək.