DİM: İmtahan zalına telefonla daxil olan 3 şagirdin nəticələri ləğv olunub

Bakı. 9 mart. REPORT.AZ/ Dövlət İmtahan Mərkəzinin (DİM) ötən həftə keçirdiyi buraxılış imtahanında iştirak edən 3 şagirdin nəticələri ləğv olunub. 

Mərkəzdən “Report”a verilən məlumata görə, dəfələrlə xəbərdalıq olunmasına baxmayaraq, ötən həftə keçirilən buraxılış imtahanında 3 nəfər telefonla imtahan binasına daxil olub.

DİM-dən bildirilib ki, həmin şagirdlərin imtahan nəticələri ləğv olunub: "Bir daha xatırladırıq ki, imtahan binasına qadağan olunmuş vasitələr gətirmək olmaz".