Yuxarı
    Bağlamaq

    BŞTİ-nin Təlimə Dəstək Mərkəzinə işə qəbul üzrə elan edilən müsabiqə yekunlaşıb

    Bakı. 16 mart. REPORT.AZ/ Bakı Şəhəri üzrə Təhsil İdarəsi (BŞTİ) tərəfindən Təlimə Dəstək Mərkəzinə (TDM) işə qəbul üzrə elan edilən müsabiqə yekunlaşıb.

    İdarənin İctimaiyyətlə əlaqələr sektorundan "Report"a verilən məlumata görə, nəticələrə əsasən, müsabiqənin bütün mərhələlərində uğurlu nəticə göstərmiş şəxslər TDM-də metodist (mentor) vəzifəsinə işə qəbul olunublar.

    Qeyd edək ki, BŞTİ-nin nəzdində fəaliyyət göstərən TDM ümumi təhsil müəssisələrində pedaqoji prosesin sistemli idarə olunmasının dəstəklənməsi, yeni yanaşmaların məktəblərdə çevik tətbiqinin təmin edilməsi, məktəbdaxili və məktəblərarası öyrədici mühitin zənginləşdirilməsi, təlimin keyfiyyətinin artırılması və fənn metodbirləşmələrinin fəaliyyətinin düzgün istiqamətləndirilməsi məqsədlərinə xidmət edir.

    BŞTİ-nin tabeliyindəki ümumi təhsil müəssisələrinə TDM tərəfindən müasir təhsil proqramlarının tələblərinə əsaslanan metodist (mentor) dəstəyi verilir və məktəblərdə keyfiyyətin təmin edilməsinə nail olmaq üçün müvafiq istiqamətlər üzrə metodiki yardım göstərilir.

    Mərkəzdə İnzibati idarəetmə, Təlimin təşkili və idarəetmə, Tədrisin idarəolunması, Təhsilalanlarla işin təşkili və idarəolunması, Fənn kurikulumlarının tətbiqi bölmələri fəaliyyət göstərir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi