Yuxarı
    Bağlamaq

    Bakı məktəblərində işə qəbul üzrə imtahanın vaxtı açıqlanıb

    Bakı. 26 yanvar. REPORT.AZ/ Bakı Şəhəri üzrə Təhsil İdarəsi (BŞTİ) tərəfindən ümumi təhsil müəssisələrində Gənclərin çağırışaqədərki hazırlığı üzrə rəhbər, uşaq birliyi təşkilatı rəhbəri və laborant vəzifələrinə, o cümlədən BŞTİ-nin nəzdində fəaliyyət göstərən Təlimə Dəstək Mərkəzinə (TDM) işə qəbul üzrə elan edilən müsabiqələrin test imtahanı mərhələsinin vaxtı və yeri açıqlanıb. 

    İdarənin İctimaiyyətlə əlaqələr şöbəsindən "Report"a bildirilib ki, məlumatlar namizədlərin şəxsi səhifələrinə göndərilib.

    İmtahanlar 29-30 yanvar 2018-ci il tarixlərində Bakı şəhəri 220 nömrəli məktəb-liseyin (ünvan: Nizami rayonu, Elşən Süleymanov 120 A, “Neftçilər” metrostansiyasının yaxınlığı) inzibati binasında keçiriləcək.

    Laborant vəzifəsinə işə qəbul üzrə imtahan vaxtları:

    29.01.2018-ci il, saat 09:30

    29.01.2018-ci il, saat 10:45

    29.01.2018-ci il, saat 12:00

    29.01.2018-ci il, saat 13:15

    29.01.2018-ci il, saat 14:30

    29.01.2018-ci il, saat 15:45

    29.01.2018-ci il, saat 17:00

    Uşaq birliyi təşkilatı rəhbəri vəzifəsinə işə qəbul üzrə imtahan vaxtları:

    30.01.2018-ci il, saat 09:30

    30.01.2018-ci il, saat 10:45

    30.01.2018-ci il, saat 12:00

    Gənclərin çağırışaqədərki hazırlığı üzrə rəhbər vəzifəsinə işə qəbul üzrə imtahan vaxtı:

    30.01.2018-ci il, saat 13:30

    Təlimə Dəstək Mərkəzinə işə qəbul üzrə imtahan vaxtı:

    30.01.2018-ci il, saat 15:00

    İmtahana buraxılış, qeydiyyat və yerləşdirmənin təşkili zərurəti ilə əlaqədar iştirakçıların müəyyənləşdirilən vaxtdan 30 dəqiqə əvvəl imtahanın keçirildiyi məntəqədə olmaları vacibdir. İştirakçı imtahan zalına daxil olmaq üçün şəxsiyyət vəsiqəsini təqdim etməlidir. Əks halda, namizədin imtahanda iştirakı mümkün olmayacaq. İmtahanda iştirak etmək üçün iştirakçının öz iş nömrəsini bilməsi zəruridir.

    Müsabiqə ilə bağlı yeniliklərdən xəbərdar olmaq üçün iştirakçılara şəxsi kabinetlərini mütəmadi izləmələri tövsiyə edilir.

    Müsabiqə ilə bağlı hər hansı sual yaranarsa, namizədlər (012) 599-12-22 (daxili: 6022; 6028), mob: 055-336-36-39 nömrəli telefonlar vasitəsilə əlaqə saxlaya bilərlər.

    Müsabiqənin hər hansı mərhələsində elektron ərizədəki məlumatlarla mövcud vəziyyət arasında uyğunsuzluq aşkarlanarsa, namizədlərin nəticələri ləğv olunacaq.

    Qeyd edək ki, müsabiqələrin test imtahanı mərhələsinə 1053 nəfər buraxılıb. Onlardan 91-i Gənclərin çağırışaqədərki hazırlığı üzrə rəhbər, 267-si uşaq birliyi təşkilatı rəhbəri, 637-si laborant olmaq üçün qeydiyyatdan keçib. 58 nəfər isə TDM-də çalışmaq üçün müsabiqəyə qatılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi