Yuxarı
    Bağlamaq

    Bakı Ali Neft Məktəbində SPM-in sertifikatları təqdim olunub

    Rektor Ali Məktəbin fəaliyyəti, uğurları haqqında məlumat verərək hər zaman öz tələbələrinə diqqət və qayğı göstərdiyini deyib© BANM

    Bakı. 21 iyun. REPORT.AZ/ Bakı Ali Neft Məktəbində (BANM) təşkil edilən Layihələrin idarəedilməsi məktəbinin (SPM) birinci modulu müvəffəqiyyətlə və yüksək imtahan nəticələri ilə bitirən tələbələrinə sertifikatlar təqdim olunub. 

    BANM-dən “Report”a verilən məlumata görə, Ali Məktəbin rektoru Elmar Qasımov sertifikatları təqdim edərək hər bir iştirakçını yüksək nəticələr əldə etməsi ilə əlaqədar təbrik edib və gələcək təlimlərdə uğurlar arzulayıb.

    Rektor həmçinin Ali Məktəbin fəaliyyəti, uğurları haqqında məlumat verərək hər zaman öz tələbələrinə diqqət və qayğı göstərdiyini, onların bilik və bacarıqlarının aşkara çıxarılmasında maraqlı olduğunu qeyd edib.

    Xatırladaq ki, Layihələrin idarəedilməsi məktəbinin iştirakçıları sırasına SOCAR, BP, “Atlantic Waste Solutions”, “PAŞA Həyat Sığorta” ASC, Pasha Holding və digər şirkətlərin nümayəndələri daxildir. BP və onun tərəfdaşlarının maliyyə dəstəyi, layihələri idarəetmə sahəsində aparıcı beynəlxalq təlim şirkəti olan “TwentyEighty Strategy Execution” şirkətinin texniki dəstəyi və BANM-in təşkilatçılığı ilə birgə həyata keçirilən SPM tədris proqramı 7 moduldan ibarətdir və yekunda Corc Vaşinqton Universitetinin (ABŞ) magistr sertifikatının verilməsi nəzərdə tutulur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi