Yuxarı
    Bağlamaq

    Azərbaycanda uzun müddət məktəbdən kənarda qalmış şəxslər yenidən təhsil ala biləcəklər

    Təhsil naziri fərdi təhsil üzrə nümunəvi tədris planını təsdiq edib

    Bakı. 3 iyul. REPORT.AZ/ Təhsil naziri Mikayıl Cabbarov Azərbaycanda fərdi təhsil üzrə nümunəvi tədris planının təsdiqi barədə əmr imzalayıb. "Report" xəbər verir ki, əmrin imzalanmasında məqsəd uzun müddət təhsildən kənarda qalmış şəxslərin fərdi təhsilinin təşkili və tənzimlənməsini təmin etməkdir.

    Əmrə əsasən, tədris planına daxil edilən fənlər üzrə proqramlar nəzərdə tutulan həftəlik dərs saatlarının miqdarına uyğun olaraq, ən zəruri bilik və bacarıqların mənimsədilməsi təmin edilməklə müvafiq ümumi təhsil proqramları əsasında aidiyyəti fənn müəllimlərinin iştirakı ilə təhsil şöbəsinin (idarəsinin) metodkabineti tərəfindən hazırlanıb təsdiq olunur.

    Eyni zamanda, tədris planı üzrə dərslər həftədə 4 (dörd) gün təşkil edilir. Dərs məşğələlərinin müddəti isə 45 dəqiqədir. Dərs saatı həftədə 0,5 saat olan fənlər dərs cədvəlində qeyd edilməklə həftəaşırı tədris olunur. Həmçinin fərdi təhsilə cəlb olunmuş şəxslər dərs ili ərzində müəyyən edilmiş tətillərə ümumtəhsil məktəb şagirdləri ilə eyni vaxtda buraxılırlar.

    Əmrin icrasına nəzarət nazir müavini Ceyhun Bayramova həvalə olunub.   

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi