Yuxarı

Azərbaycan və Türkiyə tarixçiləri ortaq türk tarixinin yazılması vəziyyətini müzakirə ediblər

Yaqub Mahmudov: Azərbaycan tarixinin obyektiv şəkildə işıqlandırılmasına xüsusi diqqət yetirilir

Bakı. 4 sentyabr. REPORT.AZ/ Azərbaycan və Türkiyə tarixçiləri Gəncə şəhərində ortaq türk tarixinin yazılması vəziyyətini müzakirə ediblər. Bu barədə "Report"a AMEA-nın A.Bakıxanov adına Tarix İnstitutunun direktoru Yaqub Mahmudov məlumat verib. 

Onun sözlərinə görə, müzakirələrdə yazılacaq ortaq mənbədə real türk tarixinə xüsusi diqqətlə yanaşılacağı vurğulanıb: "Ümumtürk tarixinin inkişafı prosesində Azərbaycan xalqının oynadığı mühüm rol, mədəniyyət, dövlətçilik tarixi, o cümlədən, Eldənizlər, Qaraqoyunlu, Ağqoyunlu, Səfəvi, Qacar və Şərq imperatorluqlarının tarixi, tarixi şəxsiyyətlərimizə doğru qiymət verilməsi, xidmətlərinin düzgün qiymətləndirilməsi, türkün dahi şəxsiyyətlərinə Türk dünyasında eyni mövqedən düzgün qiymət verilməsi məsələləri müzakirə olunub.Yazılacaq kitabda Türk dünyasının ilk çağdaş cümhuriyyətinin yaradılması, tarixdəki rolu məsələlərinin qabarıq verilməsi nəzərə alınıb". 

Y.Mahmudov bildirib ki, növbəti müzakirələr Ankara şəhərində aparılacaq. Onun sözlərinə görə, Türk dünyasının ortaq tarixini əks etdirəcək kitabın bir cilddə olması nəzərdə tutulub. 

İnstitutun direktoru əlavə edib ki, yazıldıqdan sonra kitabın təqdimat mərasimi Azərbaycanda ilk Türk Tarix Konqresinin keçirildiyi Şəki şəhərində olacaq. Y.Mahmudov vurğulayıb ki, Prezident İlham Əliyevin göstərişinə əsasən, Azərbaycan tarixinin obyektiv şəkildə işıqlandırılmasına xüsusi diqqət yetirilir.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi