Yuxarı
    Bağlamaq

    AMEA-nın Tarix İnstitutunda yeni şöbələr və bölmələr yaradılıb

    Tarix İnstitutunda Elmi Şuranın növbəti iclası keçirilib

    Bakı. 14 iyul. REPORT.AZ/ Azərbaycan Milli Elmlər Akademiyasının (AMEA) Tarix İnstitutunun Elmi Şurasının növbəti iclası keçirilib.

    Bu barədə "Report"a institutun mətbuat xidmətindən məlumat verilib.

    Məlumata görə, Elmi Şuranın iclasında Azərbaycan tarix elminin gələcək perspektivləri müzakirə olunub.

    İnstitutda Azərbaycan tarixinin müxtəlif dövrlərini və beynəlxalq münasibətlər tarixini araşdıracaq yeni şöbə və bölmələrlə yanaşı, AMEA-nın Rəyasət Heyətinin qərarı əsasında yaradılan, ümumdünya tarixini araşdıracaq yeni bölmələr fəaliyyət göstərəcək.

    Tarix İnstitutunda yeni şöbələr – “Azərbaycan xalqına qarşı soyqırımların tarixi”, “Azərbaycanın sovet dövrü tarixi”, “Azərbaycan Respublikasının tarixi”, “Mənbəşünaslıq və tarixşünaslıq”, “Azərbaycanın sənətkarlıq tarixi”, “Azərbaycan mədəniyyəti tarixi”, “Beynəlxalq münasibətlər tarixi”, “Azərbaycan - Rusiya əlaqələri tarixi”, “İctimaiyyətlə əlaqələr” şöbələri və yeni elmi bölmələr – “Azərbaycan Atropatena tarixi”, “Azərbaycanın erkən orta əsrlər tarixi (III – XI əsrlər)”, “Azərbaycanın XII – XVIII əsrin 30-cu illəri tarixi”,“Beynəlxalq münasibətlər tarixi”, “Azərbaycanın xarici siyasəti tarixi”, “Amerika ölkələrinin tarixi”, “Avropa ölkələrinin tarixi” yaradılıb.

    Tarix İnstitutunun direktoru, AMEA-nın müxbir üzvü Yaqub Mahmudov bildirib ki, Azərbaycanın dövlətçilik tarixi, xüsusən müstəqillik dövrünün araşdırılması ilə bağlı tədqiqatlar daha da genişləndiriləcək, ulu öndər Heydər Əliyevin və Prezident İlham Əliyevin dövlətçilik tariximizdəki mühüm xidmətlərinə həsr olunmuş əsərlər yazılacaq.

    Y.Mahmudov qeyd edib ki, gələn il yeni üçcildlik “Azərbaycan tarixi” kitabının nəşrinə başlanacaq.

    Elmi Şurada bildirilib ki, Həsən bəy Rumlunun “Əhsən ət-təvarix” əsərinin I cildi Azərbaycan dilinə tərcümə olunub və çapa hazırlanır. Tərcüməçi isə tarix üzrə elmlər doktoru, professor Şahin Fazildir.

    İnstitut direktoru qeyd edib ki, Nadir şah Əfşarı Azərbaycan xalqına olduğu kimi təqdim etmək lazımdır: “Nadir şah yeni dövlət qurmayıb, o, sadəcə Səfəvilərdən sonra Əfşarlar sülaləsinin əsasını qoyub. Azərbaycan tarixində dini barışığa cəhd edən görkəmli şəxsiyyətlərimiz olub: Uzun Həsən, Gödək Əhməd, II İsmayıl, Nadir şah Əfşar və b”.

    İclasın sonunda Yaqub Mahmudov Tarix İnstitutunun yeni strukturunu elan edib və strukturu Elmi Şura üzvləri yekdilliklə təsdiq edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi