AMEA prezidenti alimlərə güzəştli şərtlərlə mənzil verilməsini təklif edib

Azərbaycan Milli Elmlər Akademiyasının (AMEA) prezidenti Akif Əlizadə alimlərə güzəştli şərtlərlə mənzil verilməsini təklif edib.

"Report"un xəbərinə görə, A.Əlizadə AMEA-nın Ümumi yığıncağında deyib ki, "Alimlər şəhərciyi" ("Science City") kooperativ yaşayış kompleksindəki mənzillərin alimlər tərəfindən əlverişli şərtlərlə əldə edilməsi üçün ipoteka kreditlərinin verilməsi məqsədəuyğun olar.

O, tədbirdə iştirak edən Azərbaycan Prezident Administrasiyasının rəhbəri, akademik Ramiz Mehdiyevə və Baş Nazirin müavini Əli Əhmədova müraciət edib.