AMEA-nın ümumi yığıncağı başlayıb

Bakı. 28 aprel. REPORT.AZ/ Azərbaycan Milli Elmlər Akademiyasının (AMEA) Əsas binasında Rəyasət Heyətinin 2016-cı ildəki elmi və elmi-təşkilati fəaliyyətinə həsr olunan Ümumi yığıncağı başlayıb.

“Report” xəbər verir ki, yığıncaqda akademik Ramiz Mehdiyev, baş nazirin müavini Elçin Əfəndiyev, Azərbaycanın millətlərarası, Prezident Administrasiyasının Humanitar siyasət məsələləri şöbəsinin müdiri Fatma Abdullazadə, Lomonosov adına Moskva Dövlət Universitetinin Bakı filialının rektoru, AMEA-nın müxbir üzvü Nərgiz Paşayeva və digər rəsmi şəxslər iştirak edir.

Öncə tədbir iştirakçıları Akademiyanın fəaliyyətini əks etdirən elmi naliyyətlər sərgisi ilə tanış olublar.

Tədbirin açılışında çıxış edən AMEA-nın prezidenti Akif Əlizadə çıxışında bildirib ki, keçən il keçirilən Akademiyanın Ümumi yığıncağından sonra AMEA-nın 12 üzvü vəfat edib.

Onların xatirəsi bir dəqiqəlik sükutla yad edilib.

Yığıncaqda Elmi nailiyyətlər sərgisi nümayiş olunacaq, ötən ildə Akademiyada müxtəlif istiqamətlərdə görülən işlər, reallaşdırılan layihələr haqqında məlumat veriləcək, AMEA Rəyasət Heyətinin elmi və elmi-təşkilati fəaliyyəti haqqında hesabat məruzəsi dinləniləcək, o cümlədən Azərbaycan Respublikasının Nizami Gəncəvi adına Qızıl medalı və AMEA-nın adlı mükafatları təqdim ediləcək.