Yuxarı
    Bağlamaq

    ADNSU-da 30 aprel terror qurbanlarının xatirəsinə həsr olunan barelyefin açılışı olub

    Barelyefin hazırlanmasında Azərbaycan Dövlət Rəssamlıq Akademiyasının rektoru Ömər Eldarovun böyük xidməti olub

    Bakı. 18 fevral. REPORT.AZ/ Azərbaycan Dövlət Neft və Sənaye Universitetində (ADNSU) 30 aprel terror qurbanlarının xatirəsinə həsr olunuş barelyefin açılışı olub.

    Ali təhsil müəssisəsindən “Report”a verilən məluamta görə, tədbirdə millət vəkilləri, universitetin professor-müəllim heyəti, terror qurbanlarının yaxınları iştirak edib.

    Terror qurbanlarının xatirəsinin daim əziz tutulduğunu deyən ADNSU-nun rektoru, professor Mustafa Babanlı bununla faciədə həlak olanların valideynlərinin az da olsa təsəlli tapdığına inandığını bildirib.

    Barelyefin hazırlanmasında böyük xidməti olan Azərbaycan Dövlət Rəssamlıq Akademiyasının rektoru Ömər Eldarov bütün ölkəni sarsıdan bir faciənin qurbanlarının xatirəsinin əbədiləşdirilməsinin çox müsbət hal olduğunu vurğulayıb.

    Bu cür barelyefin açılışı üçün rektor M.Babanlıya minnətdarlığını bildirən millət vəkili Məlahət İbrahimqızı abidənin bütövlükdə terrora məruz qalmış azərbaycanlıların simvolu adlandırıb.

    30 aprel terror qurbanlarının xatirəsinin əbədiləşdirilməsinin təqdirəlayiq hal olduğunu deyən ADNSU-nun professoru, millət vəkili Hüseynbala Mirələmov bu cür halların bir daha baş verməyəcəyinə inandığını qeyd edib.

    Daha sonra çıxış edən 30 aprel terror qurbanlarının valideynləri barelyefin hazırlanmasında əməyi keçən hər kəsə öz minnətdarlığını bildiriblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi