Ramiz Məmmədov yenidən AMEA-nın Coğrafiya İnstitutunun direktoru təyin olunub

Bakı. 6 mart. REPORT.AZ/ Akademik Ramiz Məmmədov yenidən Azərbaycan Milli Elmlər Akademiyasının (AMEA) akademik Həsən Əliyev adına Coğrafiya İnstitutunun direktoru vəzifəsinə təsdiq olunub.

"Report" xəbər verir ki, qərar akademiyanın Rəyasət Heyətinin martın 6-da keçirilən iclasında qəbul edilib.

Qeyd edək ki, R.Məmmədov 2013-cü ildən isə Coğrafiya İnstitutunun direktoru vəzifəsində çalışır. Dekabr ayında onun səhhətində problemlər yaranmışdı və xəstəxanaya yerləşdirilmişdi.