Qazaxıstan universiteti Azərbaycanın ali təhsil müəssisələri ilə əməkdaşlıq edəcək

M.Auezov adına Cənubi Qazaxıstan Dövlət Universiteti ilə Azərbaycanın bir sıra ali təhsil müəssisələri arasında əməkdaşlıq memorandumları imzalanıb.

“Report” xəbər verir ki, Qazaxıstan universiteti ilə Neft, Qaz və Kimyanın Geotexnoloji Problemləri Elmi-Tədqiqat İnstitutu, Azərbaycan Dövlət İqtisad Universiteti, Azərbaycan Texniki Universiteti və Mikrobiologiya İnstitutu arasında sənədlər imzalanıb.

Qazaxıstanın Şımkənd şəhərinin turizm potensialının təbliği və təqdimatına həsr olunmuş Bakıda keçirilən tədbir çərçivəsində sənədlər sadalanan universitetlərin rektorları tərəfindən imzalanıb.