Emin Əmrullayev: “Azərbaycanlı tələbələrin Türkiyədə təhsil alması dəstəklənəcək”

“Bu il ərzində Türkiyədə dövlət hesabına təhsil alacaq tələbələri görməkdən məmnun olacağıq”.

“Report”un xəbərinə görə, təhsil naziri Emin Əmrullayev ADA Universitetində keçirilən VII Beynəlxalq Sosial Elmlər Konqresində çıxışı zamanı deyib.

Onun sözlərinə görə, iki ölkə arasında əməkdaşlığın tarixi əhəmiyyəti var:

“Prezident İlham Əliyevin imzaladığı sərəncamla xaricdə təhsillə bağlı dövlət proqramı çərçivəsində azərbaycanlı tələbələrin Türkiyə universitetlərində təhsil alması dəstəklənəcək”.