“British Council” Naxçıvanda IELTS mərkəzi açıb

“British Council” təşkilatının Azərbaycandakı nümayəndəliyi Naxçıvanda IELTS imtahanlarının qeydiyyat və keçirilməsi mərkəzi açıb.

“Report” xəbər verir ki, bu barədə “British Council” məlumat yayıb.

Mərkəz Naxçıvan Dövlət Universitetinin nəzdində fəaliyyət göstərəcək.

Tədbirdə təşkilatın Azərbaycandakı nümayəndəliyinin Baş direktoru Frensis Qardener-Trexo iştirak edib.

IELTS ( International English Language Testing System) — ingilis dili biliyinin qiymətləndirilməsi üzrə beynəlxalq sistemdir. Bu imtahandan keçməklə doğma dili ingilis dili olmayan şəxslərin dil biliyi səviyyəsini müəyyən etmək olar.