​Belarusda pulsuz təhsil almaq istəyən azərbaycanlılar üçün viktorina keçiriləcək

Bakı. 22 iyul. REPORT.AZ/ Belarusun Təhsil Nazirliyi azərbaycanlı gənclər üçün “Study in Belarus" adlı viktorina keçirəcək.

Belarusun Azərbaycandakı səfirliyindən "Report"a verilən məlumata görə, bu, Azərbaycan vətəndaşlarının Belarus ali təhsil müəssisələrində təhsil almaq üçün cəlb edilməsi məqsədilə edilir.

Viktorinanın keçirilməsi www.studyin.edu.by internet saytında müsabiqə tapşırıqlarının yerləşdirilməsi ilə baş tutacaq. 

Viktorinanın yekunlarına görə, ən yüksək nəticə əldə edən üç iştirakçı Belarus Respublikasının ali təhsil müəssisələrində pulsuz təhsil almaq hüququ qazanacaq.