Bakıda Arbitraj üzrə Birinci Beynəlxalq Yay Məktəbi keçiriləcək

Bakıda iyunun 26-dan 30-dək Arbitraj üzrə Beynəlxalq Yay Məktəbi keçiriləcək.

“Report” Türk Dövlətləri Təşkilatının (TDT) Mətbuat xidmətinə istinadən xəbər verir ki, tədbir İbn Xəldun Universiteti (Türkiyə) və Türkiyə Arbitraj Akademiyasının dəstəyi ilə Bakı Dövlət Universitetində keçiriləcək.

Yay məktəbində Türk Dövlətləri Təşkilatı ölkələrindən tələbələr və gənc mütəxəssislər iştirak edəcəklər.

Onlar arbitraj sahəsində dəyərli təcrübə və biliklər əldə edə biləcəklər.