Alimlər: Fövqəldərin süxurlardan enerji əldə etmək mümkündür

Yerin fövqəlisti dərin süxurlarına qoşulmaq bəşəriyyətə, demək olar, sonsuz bərpa olunan enerji mənbəyi verə bilər ki, bu da əhəmiyyətli miqdarda qalıq yanacağını əvəz edə bilər.

“Report” xəbər verir ki, bu nəticəyə İsveçrənin Lozanna şəhərinin Federal Politexnik Məktəbinin alimləri gəliblər. Tədqiqat “Nature Communications” (NatComms) elmi jurnalında dərc edilib.

Mütəxəssislərin qənaətincə, belə süxurlar çatlar əmələ gətirə bilər ki, bu da birləşərək belə layları daha keçirici edir.

Bu çatlar vacibdir, çünki onlardan keçən su fövqəlkritik fazaya – qaz və mayenin xüsusiyyətlərini birləşdirən bir vəziyyətə keçir. Fövqəlkritik su müasir geotermik quyularla müqayisədə beş-on dəfə daha çox enerji daşıyaraq belə çatlara daha sürətli və asanlıqla nüfuz edə bilər.

Komanda modelləşdirmə aparıb. Onun nəticələri göstərib ki, perspektivdə insanlar mövcud geotermik mənbələrin imkanlarından dəfələrlə çox həcmdə fövqəlkritik enerji əldə etmək üçün yer qabığındakı çat şəbəkələrindən istifadə edə biləcəklər.

Proqnozlaşdırılır ki, belə bir quyu 20 ilədək işləyə bilər.