Bakı. 16 sentyabr. REPORT.AZ/ Azərbaycan Diplomatik Akademiyası (ADA) Universitetinin professor və tələbə heyəti şərəf andı içib.
ADA-nın kommunikasiya departamentindən Report-a verilən məlumata görə, tədbir Azərbaycanın dövlət himninin oxunması ilə başlayıb. Daha sonra ADA-da təhsil alan 32 ölkənin təmsilçiləri vətəndaşı olduqları dövlətlərin bayraqlarını səhnəyə gətiriblər.
Bundan sonra tələbələr və professor heyəti ADA-nın rektoru Hafiz Paşayev və universitetin dekanları tərəfindən “İnam rəmzi” hesab edilən ADA medalları ilə təltif olunublar. Tədbirdə ADA-nın rektoru Hafiz Paşayev çıxış edib.
Tədbir ADA-nın himninin səsləndirilməsi ilə tamamlanıb.
Qeyd edək ki, bu il ADA Universitetinə qəbul olan tələbələrdən 425-i bakalavr, 129-u magistratura proqramlarına qəbul olunub. Bundan başqa, bu il ADA Universitetində mübadilə proqramları çərçivəsində əlavə 6 xarici tələbə oxuyacaq.
![](https://static.report.az/photo/63d86112-fab6-4f01-a31f-80f92e253f97_300.jpg)
![](https://static.report.az/photo/b544ef9a-fb0d-4f80-bef6-7574a4c04a9a_300.jpg)
![](https://static.report.az/photo/c5c58f28-7928-4835-854e-11d83e144c71_300.jpg)
![](https://static.report.az/photo/f0a29f13-30b2-4f29-aa03-4551e31df70c_300.jpg)
![](https://static.report.az/photo/f93276af-a80a-4d83-b2cd-5b038425180c_300.jpg)