Məktəblilərə Abşeron Milli Parkında açıq dərs keçirilib

Ekologiya və Təbii Sərvətlər və Təhsil nazirliklərinin birgə təşkilatçılığı ilə ekoloji maarifləndirmə tədbirləri və “Məktəblinin dostu” layihəsi çərçivəsində Abşeron Milli Parkında Xırdalan şəhərindəki 2 və 9 saylı orta məktəblərin şagirdləri üçün açıq dərs keçirilib.

"Report" xəbər verir ki, təbiət qoynunda keçirilən açıq dərsdə şagirdlərə milli parkın yaradılmasının məqsədi, yarımadanın təbii-coğrafi relyefi, flora və faunası, dəniz ekosistemi barədə məlumatlar verilib, təbiətin, ətraf mühitin qorunmasının zəruriliyi vurğulanıb, şagirdləri maraqlandıran suallar cavablandırılıb. 

40-dan artıq məktəblinin qatıldığı açıq dərs milli parkdakı turist marşrutları üzrə gəzinti ilə başa çatıb.