Hindistan parlamentinin nümayəndə heyəti ETSN-də olub

Bakı. 21 sentyabr. REPORT.AZ/ Azərbaycan Parlamentinin 100 illiyinə həsr olunan təntənəli iclasda iştirak etmək məqsədilə Azərbaycanda səfərdə olan Hindistan Parlamentinin nümayəndə heyətinin üzvləri ilə Ekologiya və Təbii Sərvətlər Nazirliyində (ETSN) görüş keçiriblər.

Nazirlikdən “Report”a verilən məlumata görə, görüş zamanı Azərbaycan ilə Hindistan arasında gələcək əməkdaşlığın perspektivləri və qarşılıqlı maraq doğuran məsələlər müzakirə edilib.