Dövlət Agentliyinin sədri: "Yaşıllıqlar istənilən vaxtda köçürülə bilməz"

"Yaşıllıqlar istənilən vaxtda köçürülə bilməz".

"Report" xəbər verir ki, bunu Ekologiya və Təbii Sərvətlər Nazirliyinin tabeliyindəki Dövlət Ekoloji Ekspertiza Agentliyinin İdarə Heyətinin sədri Mirsalam Qənbərov deyib.

O bildirib ki, mütləq ağaclar bioloji inkişafın dayandığı zaman köçürülməlidir: "Əvvəllər əkilən ağacların 50-60 faizi tutanda sevinirdik. Amma indi 6 min ağac əkilibsə, hamısı tutmalıdır, inkişaf etməlidir. Çünkü maliyyə ayırılır, gübrə, münbit torpaq və damcı üsulu ilə sulama təşkil edilib".

Sədr əlavə edib ki, quru ağacların yerində yeni ting əkilməlidir: "Biz buna da rəy verəndə başqa don geyindirirlər. Əsası olmadan Dövlət Agentliyinə qarşı bu cür ittihamlarla çıxış edənlər qanunla məsuliyyət daşıyır".