Nazirlik: Bakıda və Abşeron yarımadasında müşahidə olunan toz Ərəbistan səhralarından gəlib

Nazirlik: Bakıda və Abşeron yarımadasında müşahidə olunan toz Ərəbistan səhralarından gəlib Prosesin martın 15-dən zəifləyəcəyi ehtimal edilir
Ekologiya
126
13 Mart , 2017 18:22
Nazirlik: Bakıda və Abşeron yarımadasında müşahidə olunan toz Ərəbistan səhralarından gəlib

Bakı. 13 mart. REPORT.AZ/ Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamentinin mütəxəssislərinin son iki gün ərzində apardığı monitorinqlərin nəticələrinə əsasən, Bakıda və Abşeron yarımadasında havada olan tozun miqdarının sanitar normadan artıq olduğu müəyyən edilib. 

Nazirliyin mətbuat xidmətindən "Report"a verilən məlumata görə, buna səbəb Ərəbistan səhralarında müşahidə olunan toz burulğanının atmosferin yuxarı təbəqələrinədək qalxmasıdır. Bu toz hissəcikləri atmosfer axınları ilə, əsasən də cənub, cənub-qərb axınları vasitəsilə Azərbaycana da gəlib.

"Bildiririk ki, əlverişsiz meteoroloji şəraitlə bağlı martın 14-də atmosfer havasında tozun miqdarının bir qədər də artacağı və prosesin martın 15-dən zəifləyəcəyi ehtimal edilir", - məlumatda vurğulanıb.

Son xəbərlər

Orphus sistemi