Stiven Kinq yeni kitabının anonsunu verib

Bakı. 30 oktyabr. REPORT.AZ/ Məşhur amerikalı yazıçı Stiven Kinq oktyabrın 30-da "Yüksəklik" adlı yeni kitabının işıq üzü görəcəyini elan edib.

“Report” xəbər verir ki, "qorxu kralı" bu barədə öz "Twitter" səhifəsində yazıb.

"Sabah mənim "Yüksəklik" kitabım işıq üzü görəcək. Uşaqlar, ümid edirəm ki, oxumağa macal tapacaqsınız", — deyə yazıçı bildirib.

"Scribner" nəşriyyatı məlumat yayıb ki, bu, Kinqin biblioqrafiyasında ən qısa roman olacaq. Kitab cəmi 144 səhifədən ibarətdir.

Bildirilir ki, hekayənin mərkəzində Men ştatının uydurulmuş Kasl-Rok şəhərciyinin sakini olan Skott Keri yer alıb.