Nobel mükafatı laureatının kitabı Azərbaycan dilində işıq üzü görüb

Bakı. 21 iyul. REPORT.AZ/ Nazirlər Kabineti yanında Tərcümə Mərkəzinin yeni nəşri - XX əsr Almaniya ədəbiyyatının görkəmli nümayəndəsi, Nobel mükafatı laureatı Haynrix Böllün “Bir təlxəyin düşüncələri” və “…Və bircə kəlmə də demədi” romanları daxil edilmiş “İki roman” kitabı işıq üzü görüb.

Mərkəzdən "Report"a verilən məlumata görə, kitabın redaktoru Mahir N.Qarayev, ön sözün müəllifi filologiya elmləri doktoru Rüstəm Kamaldır.

Əsərləri alman dilindən tanınmış tərcüməçi Vilayət Hacıyev çevirib.