Bakıda Ahmed Hamdi Tanpınara həsr olunmuş tədbir keçiriləcək

Bakı. 20 oktyabr. REPORT.AZ/ Bakıda oktyabrın 22-də Türkiyənin tanınmış yazıçısı Ahmed Hamdi Tanpınara həsr olunmuş tədbir keçiriləcək.

Yunus Emre İnstitutundan "Report"a verilən məlumata görə, “Tanpınar günü” adı altında təşkil olunacaq tədbirdə tanınmış ziyalılar, kitab həvəskarları və mediya nümayəndələri iştirak edəcəklər.

Tədbirdə Tanpınar haqqında geniş ədəbi söhbət və fikir mübadiləsi aparılacaq, həmçinin onun yaradıcılığı barədə institut tərəfindən elan olunmuş “Tanpınarı kəşf edirəm” adlı esse müsabiqəsi haqqında məlumat veriləcək.

Tədbirin sonunda iştirakçılara yazıçının Azərbaycan dilinə tərcümə olunan kitabları paylanılacaq.