Yuxarı

Yəməndə terror aktı nəticəsində ölənlərin sayı 11 nəfərə çatıb

Terror hücumu bazar ertəsi baş verib

Bakı. 28 mart. REPORT.AZ/ Bazar ertəsi Yəmənin cənubunda yerləşən Lahc şəhərində törədilən terror aktı nəticəsində ölənlərin sayı 11 nəfərə çatıb.

"Report" xəbər verir ki, bu barədə ölkə hökumətinin mətbuat xidmətinə istinadən "Reuters" məlumat yayıb.

Bunadək ölənlərin 5 nəfər olduğu bildirilirdi.

Kamikadze minalanmış avtomobili inzibati binalardan birinin üzərinə sürmək istəyib. Obyektin girişində terrorçunu zərərsizləşdirən mühafizəçinin ayıq-sayıqlığı sayəsində əksər insanlar terror qurbanı olmaqdan xilas ola biliblər.

Terror aktının "Əl-Qaidə Ərəbistan yarımadasında" terror qruplaşması tərəfindən törədildiyi ehtimal edilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi