Xorvatiya 2023-ci ildə avrozonaya qoşula bilər

Xorvatiya 2023-ci ildə avrozonaya qoşula bilər. Report “Politico” nəşrinə istinadən xəbər verir ki, bunu Xorvatiya Mərkəzi Bankının rəhbəri Boris Vuyçiç deyib.

“Müəyyən edilmiş tarix mövcud deyil, amma addım-addım getməliyik”, Vuyçiç qeyd edib.

O həmçinin əlavə edib ki, Xorvatiya avrozonaya qoşulması üçün bir neçə şərt yerinə yetirməlidir. Belə ki, bunların arasında öz maliyyə-bank sisteminin sabitliyini dəstəkləmək, həmçinin Avropa Mərkəzi Bankı ilə (AMB) əlaqələri yaxşılaşdırmaq daxildir.