Yuxarı

NASA-da rəhbər vəzifə tutan ilk qadın dünyasını dəyişib - FOTO

"Xabbl teleskopunun anası" adlandırılan Nensi Qreys Roman vəfat edib

Bakı. 28 dekabr. REPORT.AZ/ ABŞ-ın məşhur alimi, "Xabbl teleskopunun anası" adlandırılan Nensi Qreys Roman vəfat edib.

Bu barədə "Report" "Associated Press" agentliyinə istinadən xəbər verir.

Bildirilir ki, o, 93 yaşında dünyasını dəyişib.

Roman məşhur teleskopun hazırlanması ilə yanaşı, həmçinin NASA-da rəhbər vəzifə tutan ilk qadın olub. O, 1949-cu ildə astronomiya üzrə elmlər doktoru dərəcəsi alıb. Roman karyerasına 1959-cu ildə başlayıb.

O, 1979-cu ildə NASA-nı tərk edib və kosmik uçuşlar üzrə Qoddard Mərkəzi ilə müqavilə əsasında çalışıb.

Onun məşhur "Xabbl" teleskopu 1990-cı ildə istifadəyə verilib. Bu, NASA ilə Avropa Kosmik Agentliyinin birgə layihəsi idi.

Daha əvvəl məlum olub ki, NASA Ayın orbitində kosmik stansiya quracaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi