UNİCEF: Yəməndə 2,2 milyon uşaq aclıqdan əziyyət çəkir

Bakı. 16 oktyabr. REPORT.AZ/ Yəməndə 2,2 milyon uşaq aclıqdan əziyyət çəkir.

“Report” “Anadolu”ya istinadən xəbər verir ki, bu barədə BMT-nin Uşaq Fondundan (UNİCEF) bildirilib.

Məlumata görə, ölkədəki münaqişənin dördüncü ilində humanitar vəziyyət gündən-günə pisləşir: "Yəmənin 27 milyon əhalisinin 16 milyonunun tibbi xidmətə ehtiyacı var. 400 min uşağa təcili tibbi yardım göstərilməlidir".