Bakı. 30 oktyabr. REPORT.AZ/ Bazar ertəsi Tunisin eyniadlı paytaxtının Həbib Burqiba xiyabanında qadın terrorçu-kamikadzenin hücumları nəticəsində yaralıların sayı azı 20 nəfərə çatıb. Onların arasında iki uşaq da var.
“Report” TASS-a istinadən xəbər verir ki, bunu respublikanın daxili işlər naziri Hişam Furati yerli "Shems FM" radiostansiyasında çıxışı zamanı deyib.
"15 təhlükəsizlik xidməti əməkdaşı və 5 dinc sakin, o cümlədən iki uşaq yaralanıb", - deyə DİN başçısı bildirib.
Hadisə bazar ertəsi günorta saatlarında baş verib.