Tramp və Ərdoğan Suriyada yaranmış vəziyyəti müzakirə ediblər

Bakı. 2 dekabr. REPORT.AZ/ Türkiyə prezidenti Rəcəb Tayyib Ərdoğan Argentinada G20 sammiti çərçivəsində amerikalı həmkarı Donald Trampla görüş zamanı Suriyanın Mənbic şəhərində yaranmış vəziyyəti müzakirə edib.

Bu barədə "Report" NTV-yə istinadən xəbər verir.

"ABŞ və Türkiyə münasibətləri strateji xarakter daşıyır. Bugünkü görüşdə biz Trampla Suriyanın şimalında yaranmş vəziyyəti müzakirə etdik, amma gündəlikdə Mənbic başlıca yer tuturdu", - deyə Türkiyə lideri bildirib.

Daha əvvəl xəbər verilib ki, Ərdoğan Argentinada G20 sammiti çərçivəsində Rusiya prezidenti Vladimir Putinlə görüş zamanı İdlib üzrə daha bir sammitin çağırılmasını təklif edib.