Tramp Davos iqtisadi forumunda iştirakdan imtina edib

Bakı. 10 yanvar. REPORT.AZ/ ABŞ prezidenti Donald Tramp büdcə böhranı səbəbindən Davosda keçiriləcək iqtisadi foruma səfərini ləğv edib.

“Report” RİA "Novosti"yə istinadən xəbər verir ki, o, bu barədə "Twitter" mikrobloqunda yazıb.

"Demokratlar sərhəd təhlükəsizliyi və ölkəmiz üçün təhlükəsizliyin böyük əhəmiyyətinə görə güzəştə getməməsi səbəbindən, İsveçrənin Davos şəhərinə, Dünya İqtisadi Forumuna səfərimi ləğv etdim. İsti diləklərimi və DİF-dən üzrxahlığımı qəbul edin", - deyə prezident yazıb.