Bakı. 18 iyul. REPORT.AZ/ ABŞ prezidenti Donald Tramp Avropanın miqrasiya siyasətini fəlakət adlandırıb.
"Report" xəbər verir ki, bu barədə o, yerli telekanallardan birinə müsahibəsində bildirib.
"Avropanın miqrasiya siyasəti – bu fəlakətdir", - deyə Birləşmiş Ştatların rəhbəri qeyd edib. O, bildirib ki, bunu cinayətkarlığın göstəricisi də özündə əks etdirir.
"Mən onlara (Avropa İttifaqının nümayəndələrinə - red) dedim ki, Avropanın miqrasiya siyasəti fəlakətdir. Siz Avropanı dağıdırsınız, Avropa mədəniyyətini dağıdırsınız. O regionlarda ki, cinayətkarlıq artır, siz həmin yerlərlə bağlı nəsə etməlisiniz", - deyə ABŞ prezidenti bildirib.
Daha əvvəl Tramp özünün "Twitter"ində bildirib ki, Almaniya miqrantları qəbul etdikdən sonra bu ölkədə cinayətkarlıq 10 faiz artıb.