Yuxarı

Tillerson: "ABŞ ilk bomba düşüncəyədək KXDR-lə diplomatik həll variantına köklənib"

Tillerson: "ABŞ ilk bomba düşüncəyədək KXDR-lə diplomatik həll variantına köklənib"
Mənim işim ondan ibarətdir ki, bombanın düşməsi üçün səbəb yaranmasın

Bakı. 19 fevral. REPORT.AZ/ Birləşmiş Ştatların dövlət katibi Reks Tillerson Şimali Koreya ilə bağlı vəziyyətin diplomatik yollarla nizamlanması üzrə danışıqlar barədə fikirlərini bölüşüb.

“Report” xəbər verir ki, CBS telekanalının "60 dəqiqə" verilişinin efirində qonaq olan Tillerson ilk bomba atılana qədər diplomatik səylərin davam etdiriləcəyini deyib.

"Bizim diplomatik səylərimiz ilk bomba düşüncəyədək davam etdiriləcək. Mənim işim ondan ibarətdir ki, bombanın düşməsi üçün səbəb yaranmasın", - deyə dövlət katibi əlavə edib.

O qeyd edib ki, Vaşinqton Pxenyan ilə ünsiyyət üçün kanallarını açıq saxlayır, eyni zamanda ABŞ dialoq başlayana qədər KXDR-ə təzyiqlərini davam etdirir.

"Biz onları danışıqlara razı saxmaq üçün yerkökü göstərmirik. Biz böyük kötək göstəririk", - deyə Dövlət Departamentinin rəhbəri söyləyib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi