Yuxarı

​Tallin ləğv olunmuş “Estonian Air” şirkətini “Nordic Aviation” ilə əvəzləyib

​Tallin ləğv olunmuş “Estonian Air” şirkətini “Nordic Aviation” ilə əvəzləyib
Yeni milli aviaşirkət uçuşlara noyabrın 8-dən başlayacaq

Bakı. 7 noyabr. REPORT.AZ/ Tallin “Estonian Air” aviaşirkətini “Nordic Aviation” ilə əvəzləyib.

“Report” Estoniya KİV-nə istinadən xəbər verir ki, yeni milli aviaşirkət uçuşlara noyabrın 8-dən başlayacaq.

Aviadaşıyıcı hələ ki, səkkiz istiqamətdə xidmət göstərəcək: Amsterdam, Brüssel, Kopenhagen, Stokholm, Oslo, Kiyev, Tronheym və Vilnüs.

Estoniya hökuməti noyabrın 7-də “Estonian Air” aviaşirkətini ləğv edib. Bu addım dövlət subsidiyasının ödənməsinə təkid edən Avropa Komissiyasının tələbinə əsasən atılıb. Əks təqdirdə Avropa İttifaqının daşınma qaydaları haqqında qanunu pozulmuş olardı.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Xəbər lenti

Son xəbərlər



Orphus sistemi