Yuxarı

Tayvanda yanğın zamanı 7 nəfər ölüb

Taivanda yanğın baş verib, ölənlər var

Tayvanın cənubunda yerləşən Tainan şəhərində səhər saatlarında yaşayış binalarının birində baş verən yanğın nəticəsində 7 nəfər ölüb, 2 nəfər isə xəsarət alıb.

“Report” “Xinhua”ya istinadən xəbər verir ki, binadakı 46 sakinin 37-si təhlükəsiz şəkildə xilas olub, 2 nəfər pəncərədən atılarkən yüngül xəsarət alıb. Bir nəfər xəstəxanaya çatdırılarkən dünyasını dəyişib, daha 6 nəfər yanğın xidməti əməkdaşları tərəfindən içəridə ölü vəziyyətdə tapılıb.

Polisin bildirdiyinə görə, 21 yaşlı gənc könüllü təslim olaraq iki ədəd 5 litrlik qasolin qabı vasitəsilə yanğın törətdiyini etiraf edib. Əvvəllər ruhi xəstəlikdən müalicə aldığı iddia olunan həmin gənc saxlanılaraq istintaqa cəlb edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi