Suriyanın Palmira şəhərində Rusiya hərbçisi ölüb

Bakı. 6 mart. REPORT.AZ/ Rusiyanın Müdafiə Nazirliyi Palmira yaxınlığında müqavilə əsasında xidmət keçən sıravi Artyom Qorbunovun öldüyünü təsdiq edib.

"Report" xəbər veriri ki, hadisə İŞİD yaraqlılarının Rusiya hərbi müşavirlərinin olduğu Suriya qoşunlarının mövqeyinə hücumunun qarşısını alarkən baş verib.

Martın 2-də həlak olan Qorbunov bu gün Nijni Novqorodda dəfn olunub. Onun həyat yoldaşı və bir kiçik qızı qalıb.