Bakı. 31 may. REPORT.AZ/ Suriyanın şimalında müxalif qüvvələrin nəzarəti altında olan İdlib və Cerablusda iki partlayış baş verib.
“Report” “Anadolu” agentliyinə istinadən xəbər verir ki, nəticədə 4 mülki şəxs ölüb, 20 nəfər yaralanıb.
Suriyanın Türkiyə ilə sərhədində yerləşən Cerablus rayonunda partlayıcı quraşdırılmış motoskletin partladılması nəticəsində 1 mülki vətəndaş ölüb, 16 dinc sakin yaralanıb.
Suriyanın şimal-qərbində yerləşən İdlibin Eriha rayonunda bir avtomobilin partladılması nəticəsində isə 3 mülki şəxs ölüb, 4-ü isə xəsarət alıb.