Yuxarı

Suriyada həftə ərzində 146 dinc sakin öldürülüb

Suriyada həftə ərzində 146 dinc sakin öldürülüb

Bakı. 4 mart. REPORT.AZ/ BMT Təhlükəsizlik Şurasının qətnaməsinə baxmayaraq Suriyada qanlı döyüşlərin ardı-arası kəsilmir.

"Report" xarici mətbuata istinadən xəbər verir ki, fevralın 25-dən martın 3-dək davam edən döyüşlərdə və hava zərbələrində 146 dinc sakin həlak olub. Suriyanın İnsan Haqları Şəbəkəsinin məlumatına görə, onlardan 38-i uşaqlar və 21-i qadınlardır.

Bəşşar Əsədə məxsus silahlı qüvvələrin hücumları və atəşləri nəticəsində 114 nəfər ölüb. Onlardan 22-i uşaq, 16-ı qadındır. Daha 5 dinc sakin isə Rusiya Silahlı Qüvvələrinin hava zərbələri nəticəsində öldürülüb.

ABŞ-ın rəhbərlik etdiyi beynəlxalq koalisiyanın hərbi hava qüvvələrinin endirdiyi zərbələr nəticəsində 16 suriyalı həlak olub. Onlardan 10-u uşaqlardır.

Son həftə ərzində İŞİD terrorçuları 5 dinc sakinin həyatına son qoyublar. Onlardan 4-ü uşaqdır.

Öldürülmüş daha 6 nəfərin kimliyi məlum deyil. Onlardan 2-inin uşaq olduğu deyilir.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi