Rusiya hərbi aviasiyası Suriyanın yaşayış məntəqəsinə zərbə endirib: 11 ölü, 25 yaralı

Bakı. 16 oktyabr. REPORT.AZ/ Rusiya Hərbi Hava Qüvvələri Suriya müxaliflərinin nəzarəti altında olan İdlib vilayətinin Tırmanin yaşayış məntəqəsinə zərbə endirib.

"Report"un məlumatına görə, bu barədə "Anadolu" agentliyi xəbər verib.

Məlumata görə, aviasiya zərbəsi nəticəsində 11 nəfər həlak olub. Mülki müdafiə qüvvələrinin nümayəndəsi Vasik Harak bildirib ki, hava zərbələri nəticəsində daha 25 nəfər xəsarət alıb.

Yaralılar səhra hospitallarına yerləşdiriliblər.