Yuxarı
    Bağlamaq

    Quam adası sakinlərinə səhvən təhlükə haqqında xəbərdarlıq edilib

    Həyəcan 15 dəqiqə davam edib

    Bakı. 16 avqust. REPORT.AZ/ Koreya Xalq Demokratik Respublikasının raket buraxmaqla hədələdiyi Quam adasının iki radiostansiyası səhvən ada sakinlərinə təhlükə haqqında xəbərdarlıq edib.

    "Report"un məlumatına görə, bu haqda "The Guardian" qəzetinə istinadən "TASS" xəbər verib.

    Nəşrin məlumatına görə, Quamın radio dinləyiciləri yerli vaxt saat 00:25-də qeyri-müəyyən təhlükə barədə xəbərdar ediliblər. Qeyd edilir ki, həyəcan 15 dəqiqə davam edib.

    Ada hakimiyyətinin bəyanatına əsasən, radio dinləyicilərinin təhlükə haqqında aldığı xəbərdarlıq fövqəladə vəziyyət halında əhalinin bildiriş alması sisteminin plandan kənar yoxlaması olub. Həmçinin qeyd edilir ki, hakimiyyət gələcəkdə belə hadisənin təkrarlanmayacağına əmin olmaq üçün radiostansiyaların rəhbərliyi ilə söhbət aparıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi